Hvað gerir SÍNE?

Samband íslenskra námsmanna erlendis, SÍNE, var stofnað þann 13. ágúst 1961. Alla tíð síðan hefur félagið starfað að víðtækri hagsmunagæslu fyrir íslenska námsmenn á erlendri grund.

Tilgangur SÍNE hefur verið allt frá stofnun að standa vörð um lánakjör íslenskra námsmanna erlendis, m.a. með aðild sinni að stjórn LÍN.

LÍN hefur löngum tengst baráttumálum SÍNE í gegnum tíðina. Í samvinnu við hinar námsmannahreyfingarnar hafa jákvæðum breytingum verið komið til leiðar. SÍNE félagar hafa verið duglegir að koma með ábendingar og leitað til SÍNE með sín áhyggjuefni og vafamál sem svo seinna hafa verið undirstaðan að leiðréttingu á þeirra hag og annarra í sömu stöðu.

SÍNE hefur öðlast traustan sess í íslenska stjórnkerfinu. SÍNE er ábyrgur aðili sem hlustað er á og leitað til um álit á málum er varða námsmenn almennt. Sem SÍNE-félagi getur þú því haft raunveruleg áhrif á mikilvæg málefni.

Reynsla annarra af hagnýtum atriðum varðandi búsetu í öðrum löndum hefur oft orðið til að létta námsfólki á leið út í nám róðurinn. SÍNE getur oft komið tilvonandi námsmönnum í samband við þá sem þegar eru við nám víða um heim, sem veita námsmönnum oft upplýsingar.

SÍNE félagar fá njóta afsláttarkjara, við flutning á búslóð erlendis.

Málgagn SÍNE, Sæmundur, kemur út 1-2 sinnum á ári og er hann sendur öllum félagsmönnum. Greinar um hagsmunamál, fréttaannálar úr starfi félagsins og aðrar gagnlegar upplýsingar eru meðal efnis í blaðinu.

Öflugt hagsmunapólítískt starf er forsenda fyrir viðunnandi lánakjörum íslenskra námsmanna erlendis. Því stærri hópur sem stendur að baki SÍNE, því meiri áhrif geta samtökin haft á pólitískar ákvarðanir sem snerta fjárhag hvers og eins.

Skrifstofa SÍNE er opin alla virka daga frá kl 9-12.



Top