Alþjóðlegir styrkir rotarýhreyfingarinnar 2020-2022 – Umsóknarfrestur til 31. maí 2019

Rótarýsjóðurinn, ROTARY FOUNDATION, sem rekinn er af Alþjóða Rótarýhreyfingunni, mun veita allt að 50 styrki til tveggja ára meistaranáms skólaárin 2020-2022. Styrkirnir verða veittir til náms og rannsókna, sem tengjast alþjóðasamstarfi og eflingu friðar í heiminum og eru ætlaðir fólki sem þegar hefur reynslu af alþjóðastarfi auk þess að hafa lokið fyrstu háskólagráðu.

Í þessu skyni hefur Rótarýsjóðurinn komið á samvinnu við sex virta háskóla:

 

•Duke University and University of North Carolina at Chapel Hill,USA

•International Christian University, Tokyo, Japan  

•University of Bradford, West Yorkshire, England

•University of Queensland, Brisbane, Australia

•Uppsala University,Uppsala, Sweden

•Chulalongkorn University, Bangkok, Thailand

 

Styrkirnir, sem eiga að standa undir tveggja ára námskostnaði, eru alþjóðlegir samkeppnisstyrkir. Umsækjendur skulu að loknu háskólaprófi hafa aflað sér umtalsverðrar reynslu af störfum við mannúðarmál innan lands eða utan. Rótarýhreyfingin á Íslandi getur mælt með umsókn með hliðsjón af viðtali og könnun á námsferli og störfum. Makar, afkomendur og makar afkomenda lifandi Rótarýfélaga geta ekki sótt um styrkinn. Ellefu Íslendingar hafa hlotið friðarstyrki frá því þeir voru fyrst veittir árið 2002.

 

Nánari upplýsingar um námið, háskólana, umsóknarferli- og skilmála er að finna á eftirtöldum slóðum á veraldarvefnum:

https://www.rotary.org/myrotary/en/get-involved/exchange-ideas/peace-fellowships

https://vimeo.com/channels/1170480/200898257

 

Einnig má nálgast upplýsingar á heimasíðu Rótarýumdæmisins og síma 568-2233 (eða í síma 543-9216).

Umsækjendur eru beðnir kynna sér ítarlega reglur sjóðsins og fylla út umsóknareyðublað hér.

Umsóknarfrestur er til 31. maí 2019.

Top