Bretland

Staðreyndir um Bretland

Höfuðborg: Lundúnir
Tungumál: enska, velska og gellíska
Gjaldmiðill: Sterlingspund
Fólksfjöldi: um 64 milljónir

Bretland eða Hið sameinaða konungsríki Stóra-Bretlands og Norður-Írlands skiptist í England, Wales, Skotland og Norður Íraland. Innan Bretlands eru því nokkrar þjóðir sem hafa eigið land, sína eigin sögu, menningu, hefðir, mállýsku og í sumum tilvikum tungumál. Skotland, Wales og Norður Írland hafa öll sitt eigið þing og Skotland hefur sitt eigið menntakerfi.

Margir Íslendingar hafa farið í nám til Bretlands bæði í grunn og framhaldsnám.

Skólakerfið

Að sækja um

Um tvö nokkuð ólík skólakerfi er að ræða:

  • England, Wales og Norður-Írland er með svipað kerfi og við þekkjum á Íslandi (3 ár í bakkalár, 1 ár í meistaranám og 3 í doktorsnám).
  • Skotland hefur sitt eigin háskólakerfi. Nemendur byrja oft á undan öðrum nemendum í Bretlandi, 17 ára (en ekki 18). Grunnám tekur venjulega 4 ár og er svipað og grunnám í Norður-Ameríku. Í eldri háskólum í Skotlandi (t.d. í Edinborg, St, Andrews og Glasgow) útskrifast nemendur eftir 4 ár með MA þó þetta sé grunnám. Framháldsnám er oft kallað MLitt (Master of Letters) og tekur 1 ár. Í nýrri skotskum háskólum útskrifast nemendur eins og í Bretlandi almennt með BA eða BSc í grunnámi og MA eða MSc í framháldsnámi.

Skólaárið hefst í lok september og stendur fram til loka júní. Skiptist oft niður í þrjú misseri (first term, second term, third term).

Innritun í grunnháskólanám í allflesta breska háskóla fer fram í gegnum UCAS (Universities colleges & admissions service) sem raðar nemendum í skóla eftir framboði og eftirspurn. Umsóknareyðublöðin eru rafræn á UCAS síðunni.

Inntökuskilyrði

Almennt taka háskólar mið af:

Góð ráð varðandi meðmælanda (UCAS)

Breskar einkunnir í samanburði við önnur lönd (þ.á.m. íslenskar)

Breskir skólar krefjast nær undantekningalaust að tilvonandi nemendur standist enskupróf. Helstu próf eru IELTS og TOEFL. Athuga þarf sérstaklega hvort skólinn sem sótt er um taki TOEFL prófið gilt þar sem fleiri og fleiri skólar neita að taka við því.

Helstu umsóknarfrestir:

  • 15. janúar: aðalumsóknarfrestur í grunnnám ef sótt er um í gegnum UCAS . Stundum er þó hægt að sækja um seinna
  • 15. október: umsóknarfresturinn í Oxford University og University of Cambrigde.
  • 15. október: umsóknarfrestur í læknisfræði, tannlækningar og dýralækningar.
  • 8. mars: umsóknarfrestur í Route B.

Fresturinn er mismunandi fyrir framhaldsnám (á masters- og doktorsstigi – “Postgraduate”) þær upplýsingar verður að sækja til hvers skóla fyrir sig.

Námsgráður

Grunnám (Bachelor/undergraduate)

England, Wales og Norður-Irlandi: 3-4 ár
Skotlandi: 4-5 ár

Framhaldsnám(postgraduate)
Meistaragráða (taught/research): 12 mánuðir

Diploma nám(diploma/certificate): 9-12 mánuðir

Útlistanir og útskýringar á breskum háskólagráðum getur þú nálgast á síðunni Education UK.

 

 

Skólagjöld

Stúdentar utan ESB þurfa að greiða svokölluð “over-seas” skólagjöld og því miður teljast EES löndin til þess hóps.

Gjöldin eru á  eftirfarandi bili

Grunnnám (Bachelor): 8 500 – 20 000 £ á ári.

Framhaldsnám (Master: 10 00 – 22 500) £ á ári.

Læknisfræði, dýra- og tannlækningar: 14 000 – 30 000 £ á ári.

Yfirlit yfir skólagjöld í mismunandi skólum má finna hér The Guardian.

Þó eru til mismundi flokkar og einhverjar leiðir til þess að greiða “home fees” þrátt fyrir að vera ekki innan esb á vef UKCISA má finna frekari upplýsingar og skilgreiningar á flokkunum.

Skólum og stofnunum er í sjálfsvald sett að ákveða hvaða týpu af gjöldum nemendur greiða.

Ein leið til þess að borga “home fees” er að fara til Bretlands til þess að vinna, en ekki til þess að fara í nám. Þá er mikilvægt að sækja ekki um dvalarleyfi sem stúdent heldur t.d. sem atvinnuleitandi og vinna í einhvern tíma áður en nám hefst. Vinnan þarf þó að tengjast náminu sem farið er í. Þar sem skólagjöld Breta verða hækkuð frá hausti 2012, breytir það sjálfsagt engu fyrir erlenda námsmenn hvort þeir hafa starfað í landinu eður ei. Nánari upplýsingar á heimasíðu UK Council for International Student Affairs.

Nánari upplýsingar  varðandi stöðu íslenskra stúdenta gagnvart skólagjöldum í Bretlandi.

 

Hvað er í boði?

Leit að námi

Hvar í Bretlandi viltu læra? hér er hægt að finna alla háskólana eftir landshlutum.

UCAS  -  þegar sótt er um byrjunar háskólanám (undergraduate) í Bretlandi. Hægt er að nálgast umsóknareyðublöðin á síðunni. Aðal umsóknarfrestur er 15. janúar. Hægt er að leita að námi á grunnstigi (undergraduate). Mjög góð leitarsíða.  Clearing - finna nám sem ennþá er laust í (eingöngu grunnnám).

Nám í Bretlandi - leitarsíða, setja inn námsgrein og námsgráðu, “undergraduate” fyrir grunnnám (til bachelorgráðu) og “postgraduate” fyrir framhaldsnám (til mastersgráðu eða doktors).
Graduate Prospects - leitarsíða fyrir framhaldsnám (postgraduate). Virkar mjög vel. Til í bókarformi á Upplýsingastofu.

British Council - síða ætluð þeim sem vilja nema eða starfa í Bretlandi.
Quality Assurance Agency for Higher Education, stofnun sem sér um mat á breskum háskólum.
UK Universities Hægt að leita m.a. eftir korti einnig eru skólar í stafrófsröð

StudyAbroadUK er fyrirtæki sem aðstoðar erlenda nemendur við námsleit og umsóknir í breska skóla.
Study In Scotland - síða ætluð þeim sem vilja nema í Skotlandi.
Floodlight - leit að ýmsum námskeiðum í London.

 

LÍN

Þar sem skólagjöld eru í háskóla í Bretlandi er mikilvægt að kynna sér úthlutanarreglur LÍN vel sérstaklega hvað varðar skólagjaldalán

LÍN 

 

Styrkir

Hagnýtar upplýsingar

Að flytja til

Að skrá sig í landið

Til að komast inn í landið þarf að hafa með sér vegabréf, vottorð um skólavist, fjárhagsvottorð (t.d. frá LÍN). Ekki þarf lengur dvalarleyfi fyrir stúdenta innan EES landanna, en mælt er með að námsmenn skrái sig þegar þeir koma til landsins á næstu skráningarskrifstofu lögreglunnar, því eftir 6 mánaða dvöl í landinu fá þeir inngöngu í breska sjúkratryggingakerfið og fá þá sömu réttindi og heimamenn. Í millitíðinni þurfa menn að hafa vottorð frá Tryggingastofnun ríkisins um að þeir séu með sjúkratryggingu á Íslandi.

Húsnæði
Best er fyrir þá sem eru að hefja nám að útvega sér húsnæði á stúdentagarði. Flestir skólar bjóða upp á slíkt og veita fyrsta árs nemum iðulega forgang. Skrifið til viðkomandi skóla eftir upplýsingum. Þeir sem ekki fá inni geta leitað til hins almenna markaðar. Hefjið húsnæðisleit tímanlega.

Félagslegar aðstæður
Flytji námsmaður ekki lögheimili sitt, heldur hann tryggingu sinni hjá Tryggingastofnun ríkisins. Þetta gildir einnig um fjölskyldumeðlimi sem fara með námsmanninum til námslandsins. Kynnið ykkur málin á vef Tryggingastofnunar. Sjá nánar kaflann um tryggingamál námsmanna erlendis. Eftir að menn eru komnir inn í breska sjúkratryggingakerfið (eftir sex mánuði) verður öll heilsugæsla mjög ódýr, lyf og tannlæknaþjónusta meðtalin.

Í tengslum við marga skóla eru rekin barnaheimili fyrir starfsfólk og nemendur. Þar fyrir utan er ekki auðvelt að koma börnum fyrir. Skólinn hefst við sex ára aldur og er hægt að velja milli ríkisrekinna skóla og einkaskóla. Skóladagurinn er sex til sjö klukkustundir.

 

Reynslusögur og tengiliðir

  • Skiptinám í Bretlandi

    Haustið 2012 hóf ég nám í stjórnmálafræði við Háskóla Íslands. Ég hafði ekki hugrekkið sem það tekur að stökkva í grunnnám erlendis á þessum tíma, fannst heimurinn yfirgnæfandi stór og var hreinlega ekki viss um að ég gæti farið á eigin vegum. Ég gat þó ekki losað mig við ævintýraþránna sem ólgaði innra með mér […]
    Lesa nánar...
  • Viðskiptanám í London

    Illugi Gunnarsson mennta- og menningarmálaráðherra lauk MBA námi við London Business School
    Lesa nánar...

Tenglar

Top