Holland

Staðreyndir um Holland

Höfuðborg: Amsterdam (öll stjórnsýsla er í Haag)
Tungumál: Hollenska, frísneska
Gjaldmiðill: Evra
Fólksfjöldi: 16.7 milljónir

Konungsríkið Holland (Koninkrijk der Nederlanden) er vesturevrópskt land staðsett við Norðursjó. Það er 41.548 km² að stærð og er stór hluti þess neðan sjávarmáls. Landið var efnahagslegt stórveldi frá 16. öld til 18. aldar. Í Hollandi eru töluð tvö viðurkennd tungumál: hollenska og frísneska. Hollenska er vesturgermanskt tungumál og náskylt þýsku. Margir Íslendingar stunda nám í Hollandi í bæði listgreinum og almennu háskólanámi.

Skólakerfið

Að sækja um

20 háskólar eru starfræktir í Hollandi. Skólaárið er frá september til júní og skiptist í tvær annir. Mjög margir háskólanna bjóða nám í bæði myndlist og tónlist auk hefðbundinni háskólagreina.

Umsóknarferlið er misjafnt eftir skólum. Mjög oft er bæði sótt um í gegnum rafrænt ferli (studylink) en síðan þarf að senda pappírana til þess skóla sem sótt er um. Best er að hafa samband við viðkomandi skóla til að fá upplýsingar um umsóknarferlið. Saxion háskóli hefur sett margvíslegar upplýsingar á ensku á netið um hvernig á að nota Studylink sem getur ugglaust gagnast nemendum annarra skóla. Yfirleitt er umsóknarfrestur til 15. maí en það er um að gera að sækja um sem allra fyrst svo skólanir geti metið hvort fleiri pappíra vantar. Séu umsækjendur fleiri en hægt er að taka við í viðkomandi nám er oft beitt þeirri frumlegu aðferð að draga úr bunkanum. Því eru háar einkunnir ekki endilega trygging fyrir því að komast í nám, fólk með lágar einkunnir getur einnig haft heppnina með sér.

Flestir skólar krefjast stúdentsprófs í grunnnám og viðeigandi BA/BS gráðu í framhaldsnám. Flestir skólar krefjast þess að erlendir nemendur taka ensku próf s.s. TOEFL eða IELTS próf.

 Til eru tvenns konar skólar á háskólastigi í Hollandi:

“Hoger Beroepsonderwijs” (HBO) sem bjóða upp á fjögurra ára (240 einingar) starfsnám á háskólastigi í svokölluðum “hogescholen”. Það nám er aðallega innan heilbrigðisvísinda, tæknigreina, lista og hagfræðigreina. Þá útskrifast maður með gráðuna “ingenieur” (í verkfræði) eða “baccalaureus” í öðrum fögum. Það eru 42 hogescholen í Hollandi.

Síðan eru það hinir eiginlegu háskólar “Wetenschappelijk Onderwijs” (WO). Nemendur ljúka BA/BS gráðu eftir þriggja ára háskólanám (180 einingar).

Hægt er að fara í mastersnám í báðum skólunum. Það fer eftir fagi hve langan tíma mastersnámið tekur en er yfirleitt eitt til tvö ár (60-120 einingar). Doktorsnám er aðeins hægt að nema í WO og tekur minnsta kosti fjögur ár.

Ef stunda á nám á hollensku er krafist tungumálaprófsins Staatsexamen Nederlands als tweede taal – NT2 sem prófar lesskilning, skilning á töluðu máli og tjáningu, bæði munnlegri og skriflegri. Hægt er að taka prófið í eftirtöldum borgum: Amsterdam, Rotterdam, Eindhoven, Breda, Utrecht og Zwolle. Skráning fer fram á vefnum www.ib-groep.nl sex vikum fyrir prófdag og úrslit liggja fyrir sex vikum eftir hann.

Námsgráður

Boðið er upp á þrenns konar námsgráður:

  • Bachelor (Nederlandse), 3 ár, (180 ECTS).
  • Master (Nederlandse),1, 1½, 2 eða 2½ ár með mismunandi aðgangskröfum.
  • Doctoraat, rannsóknanám.

Skólagjöld

Skólagjöld þarf að borga í alla skóla á háskólastigi og eru þau á bilinu 1.200 – 1.800 evrur og hærri ef kennt er á ensku. Auk þess þarf að greiða innritunargjald, en það er ekki hátt.

Hvað er í boði?

Leit að námi

Til að klára sig á námi í Hollandi þarf góða kunnáttu í hollensku.  Nú orðið er þó hægt að læra mörg fög  á ensku, sérstaklega á mastersstigi.

Leit að námi á hollensku og ensku (vefurinn opnast á hollensku en þar er svo hægt að velja ensku fyrir nám á ensku).

Nám á ensku

Study in Holland.

LÍN

Lánasjóður íslenskra námsmanna.

Námsmenn geta fengið námslán til tungumálanáms ef það er nauðsynlegur undirbúningur undir frekara nám í landinu. Lánið er ekki greitt út fyrr en sýnt er fram á innritun í frekara lánshæft nám í sama landi eða málsvæði. Ekki er lánað til tungumálanáms til undirbúnings ef um er að ræða ensku, dönsku, norsku eða sænsku.

Styrkir

Hagnýtar upplýsingar

Að flytja til

Dvalarleyfi:

Holland er á Evrópska efnahagssvæðinu og þá gilda eftirfarandi reglur:
Þegar komið er út þarf að skrá sig inn í landið. Þá er mikilvægt að hafa með sér vottorð um skólavist (acceptance letter) og fjárhagsvottorð (t.d. frá Lín eða banka) um að þú getir fjármagnað dvöl þína í landinu. Einnig er mikilvægt að hafa með sér Evrópska sjúkratryggingakortið eða aðra viðurkenningu frá Tryggingastofnun ríkisins um sjúkratryggingu. Auk þess þarf að hafa með sér gilt vegabréf. Eftir 6 mánaða dvöl færðu síðan sömu réttindi og heimamenn varðandi sjúkratryggingu. Ekki þarf sérstakt atvinnuleyfi til að vinna í öðru EES landi. Frekari upplýsingar má finna hjá þarlendum yfirvöldum innflytjendamála.

Húsnæði:

Sendiráð og ræðismenn:

Íslendingafélag:

Vefur félagsins

Íslendingar í Hollandi (Fecebook síða)

 

Reynslusögur og tengiliðir

  • Víðsýni og þverfagleiki í Hollandi

    Ég er einn af þeim mörgu sem átti erfitt með að vita hvaða stefnu ég ætti að taka í lífinu. Það tók mig þrjú ár að fara í háskóla eftir menntaskólann og jafnvel þá var ég ekki viss hvað ég ætti að læra. Það var líka erfitt að velja eitthvað sérstakt nám því hvað ef […]
    Lesa nánar...
  • MBA í Rotterdam

    Hólmfríður Einarsdóttir Nemandi í Executive MBA í Rotterdam School of Management Ég hóf nám í MBA í janúar 2017 við Rotterdam School of Management (RSM). Námið er 22 mánuðir og mun ég því ljúka því í lok þessa árs. Við erum 107 í heildina og af 40 þjóðernum. Okkur er skipt upp í tvo hópa […]
    Lesa nánar...

Tenglar

Top