Ítalía

Staðreyndir um Ítalíu

Höfuðborg: Róm
Tungumál: Ítalska
Gjaldmiðill: Evra
Fólksfjöldi: 60.7 milljónir

Ítalía er land í Suður-Evrópu. Landið liggur aðallega á Appenínaskaga sem gengur til suðausturs út í Miðjarðarhafið og minnir í lögun dálítið á stígvél. Að norðan nær landið allt upp í Alpafjöll. Lönd sem liggja að Ítalíu eru Frakkland, Sviss, Austurríki og Slóvenía. Einnig eru tvö sjálfstæð ríki umlukin af Ítalíu; San Marínó (sem er nálægt austurströndinni og Rímíní) og Vatíkanið eða Páfagarður, sem er hluti af Róm sem er ein af söguríkustu og merkustu borgum Evrópu og er stundum kölluð „borgin eilífa“. Í gegnum margar aldir var Ítalía í fararbroddi í Evrópu hvað varðar listir og menningu. Endurspeglast það m.a. í miklu framboði af listaskólum í landinu. Enda hafa Íslendingar helst sótt í listnám til Ítalíu ásamt námi í ítölsku.

Skólakerfið

Að sækja um

Í landinu eru 76 skólar á háskólastigi, þar af 51 ríkisháskóli og 12 einkaskólar. Elsti háskóli í heimi er Háskólinn í Bologna stofnaður 1088. Háskólarnir í Perugia og Siena eru með sérstakar deildir fyrir útlendinga. Einnig eru fleiri háskólar með ítölsku fyrir útlendinga, ásamt Dante Alighieri stofnunum og fjölmargir málaskólar.

Þegar sótt er um háskóla eða sérskóla á Ítalíu þarf að hafa samband beint við viðkomandi skóla til þess að fá umsóknareyðublöð (“domanda di preiscrizione”). Með umsókn þarf að fylgja prófskírteini gjarnan þýtt á ítölsku af löggiltum skjalaþýðanda. Mikilvægt er að fá öll gögn sem fylgja eiga umsókn s.s. fjárhagsvottorð, prófskírteini og annað, stimpluð af ítalska ræðismanninum á Íslandi. Síðan eru allir pappírar sendir beint til viðkomandi háskóla. Nauðsynlegt er að ætla sér nægan tíma í þetta ferli.

Til að fá inngöngu í háskóla þarf stúdentspróf og einnig að sýna fram á kunnáttu í ítölsku. Háskólarnir veita sjálfir upplýsingar um hvort þeir fara fram á tungumálapróf, og þá hvaða próf þeir fara fram á. Yfirleitt eru inntökupróf í ítölsku við háskólana í september. Mikilvægt er að hafa góða kunnáttu í ítölsku til að geta stundað háskólanám á Ítalíu. Einstaka listaskólar og viðskiptaháskólar eru þó með nám á ensku og hafa Íslendingar sótt nokkuð í það.

Algeng tungumálapróf, viðurkennd af flestum háskólum:

  • CILS (Certificazione di Italiano come Lingua Straniera)
  • CELI (Certificati di conoscenza della Lingua Italiana)
  • PLIDA (Progetto Lingua Italiana Dante Alighieri

Tungumálaskólar á Ítalíu

Námsgráður

Laurea
Fyrsta háskólagráða kallast “Laurea“ (180 ECTS) og tekur þrjú ár. Þar sem námstími er þrjú ár er hún einnig stundum kölluð „Laurea trinnale“.

Laurea Magistrale
Önnur gráða, algengasta meistaragráðan kallast “Laurea Magistrale/Laurea Specialistica og tekur tvö ár.

Dottorato di ricerca
Tekur 2 ár og skiptist í rannsóknir og kennslu.

Skólagjöld

Borga þarf skólagjöld í nánast alla háskóla á Ítalíu, en þau eru mjög mishá. Innritunargjöld eru á bilinu 1.000 til 1.600 evrur.

Hvað er í boði?

LÍN

Lánasjóður íslenskra námsmanna

Námsmenn geta fengið námslán til tungumálanáms ef það er nauðsynlegur undirbúningur undir frekara nám í landinu. Lánið er ekki greitt út fyrr en sýnt er fram á innritun í frekara lánshæft nám í sama landi eða málsvæði.

 

Styrkir

Hagnýtar upplýsingar

Að flytja til

 Dvalarleyfi:

Ekki þarf vegabréfsáritun til Ítalíu, en námsmenn ættu að halda utan tímanlega til að sækja um dvalarleyfi og koma sér fyrir.  Á vefsíðu Schengen samstarfsins má kynna sér nánar málið. Þegar sótt er um dvalarleyfi þarf að hafa með sér:

• 4 foto tessera uguali e recenti; 4 passamyndir, nýlegar og allar eins.
• Passaporto + 2 fotocopie; vegabréf og 2 ljósrit af því.
• Certificato di iscrizione alla scuola + 1 fotocopia; staðfestingu frá skóla um innritun og 1 ljósrit þar af.
• Mezzi di sostentamento; staðfestingu á framfærslu (frá LÍN).
• Assicurazione; tryggingar (Tryggingastofnun).

Þegar endurnýja þarf dvalarleyfi þarf að hafa með sér:

• 4 foto tessera uguali e recenti; 4 passamyndir, nýlegar og allar eins.
• Passaporto + 2 fotocopie; vegabréf og 2 ljósrit af því.
• Permesso di soggiorno + 1 fotocopia; dvalarleyfi og 1 ljósrit af því.
• Certificato di iscrizione alla scuola + 1 fotocopia; staðfestingu frá skóla um innritun (allt námsárið) og 1 ljósrit þar af.
• Mezzi di sostentamento; staðfestingu á framfærslu (frá LÍN).
• Assicurazione; tryggingar (Tryggingastofnun).

E-128 er vottorð um rétt til nauðsynlegrar aðstoðar við dvöl í aðildarríki; fyrir nemendur eða vegna starfs í ríkjum EES. Þetta fæst hjá Tryggingarstofnun Ríkisins

Húsnæði:

Húsnæðismálin eru eitt helsta vandamál þeirra sem fara til náms á Ítalíu. Í Flórens, Feneyjum, Bologna og Mílanó er húsnæði dýrt og torfengið. Húsnæði er yfirleitt leigt með húsbúnaði. Sumir einkaskólar sjá um að útvega húsnæði. Einkareknar leigumiðlanir kunna að vera góður kostur í upphafi. Best er að fara utan nokkru áður en skóli hefst til að ganga frá þeim málum og dvalarleyfinu.

Eftirfarandi upplýsingar um blöð sem auglýsa húsnæði eru af Rómarvefnum:

  • Porta Portese smáauglýsingablaðið kemur út á þriðjudögum og föstudögum og eru þar íbúðir auglýstar til leigu (affitasi) og ekki allar í Róm. Hægt að setja inn ókeypis auglýsingu í rafræna útgáfu blaðsins.
  • Wanted in Rome er tímarit enskumælandi Rómarbúa og kemur út hálfsmánaðarlega. Þar er að finna eitt og annað um hvað er á seiði í borginni og fréttaskýringar, en smáauglýsingadálkar blaðsins eru nokkuð góðir hvað varðar húsnæðisauglýsingar. Hægt er að auglýsa ókeypis eftir íbúð í blaðinu ef maður sendir örstutta auglýsingu í tölvuósti: wantedinrome@wantedinrome.com.
  • Il Messaggero Íbúðaauglýsingar er að finna í fimmtudags- og sunnudagsblaði þessa Rómardagblaðs.
  • Affitti er vikublað sem helgað er leiguhúsnæði.

Sendiráð og ræðismenn:

  • Íslenskt sendiráð: Sendiráðið í París annast sendiráðsstörfin. Sími +33 (1) 4417 3285. emb.paris@mfa.is.
  • Ísenskir ráðismenn á Ítalíu: 
    • Genoa: (Umdæmi: Liguria, Emilia Romagna, Toscana, Marche, Umbria). Via san Vincenzo 4, IT-16121 Genoa. Sími: 010 593 664. Fax: 010 583 444. mcr@unifrigo.it
    • Messina: (Umdæmi: Sicilia nema Palermo). Via Calabria 36, IT-98122 Messina. Sími: (090) 718 842 og 090 718 843. Fax: 090 718 474. Telex: 980086 alim i. alimport@infinito.it
    • Milano: (Umdæmi: Lombardia, Alto Adige, Trentino).  Via Luigi Vitali 2, IT-20122 Milano. Sími og fax: 02 783 640. segreteria@consolatoislanda.it og olgaclausen@iol.it
    • Napoli: (Umdæmi:  Campania, Puglia, Basilicata, Calabria). Via Petrarca 93/9, IT-80122 Napoli. Sími: 081 575 2108. Fax: 081 575 3083. geminen@tin.it
    • Roma: (Umdæmi: Lazio, Abruzzi, Molise, Sardegna). Via dei Monti Parioli, IT-00197 Roma. Sími og fax: 06 855 3431. gadisl@tin.it.
    • Torino: (Umdæmi: Piemonte, Valle d‘Aosta.  Via Gioberti 22, IT-10128 Torino. Sími: 335 237 225. Fax: 011 538 098. giuseppe.storaci34@gmail.com. Einnig:  Corso Svizzera 9, IT-10143 Torino. Sími og fax: 011 741 2252. luigi_spinelli@libero.it.
    • Venezia: (Umdæmi: Veneto, Friuli Venezia Guilia). San Marco 1295, IT-30124 Venezia. Sími og fax: 041 522 5042. acodoganto@gmail.com
  • Ítalska sendiráðið: Inkognitogaten 7. NO-0244 Oslo. Opið: 09:00-16:30 (mán.-fös). Sími: (+47) 2308 4900. Fax: (+47) 2244 3436. ambasciata.oslo@esteri.it. http://www.amboslo.esteri.i/

  • Ítalski ráðismaðurinn á Íslandi: Skúlagata 26, IS-101 Reykjavík. P.O.Box 16, IS-121 Reykjavík, Iceland. Sími: (+354) 562 4042. Fax: (+354) 562 4004. Farsími: (+354) 897 1413. consolato@simnet.is

 

Reynslusögur og tengiliðir

  • Listnám í Flórens

    Harpa Tanja Unnsteinsdóttir, nemi í Hönnunar- og handverksskóla Tækniskólans tók hluta af sínu starfsnámi við Listaháskóla í Flórens, þar sem hún tók námskeið í að læra að mála endurreisnarstílinn.
    Lesa nánar...

Tenglar

Top