Noregur

Staðreyndir um Noreg

Höfuðborg: Osló
Tungumál: Norska
Gjaldmiðill: Norsk króna
Fólksfjöldi: 5.136.700

Noregur er land, á Skandinavíuskaganum í Norður-Evrópu, hefur landamæri að SvíþjóðFinnlandi og Rússlandi og er eitt Norðurlandanna. Í Noregi búa um það bil 5.000.000 manns. Höfuðborg landsins er Osló. Tungumál Norðmanna er norska (sem hefur tvö opinber ritunarform, bókmál og nýnorsku), ásamt samískum tungumálum. Norskt talmál einkennist af miklum mállýskumun. Notkun mállýsku í venjulegu talmáli er jafn algeng hjá þeim sem nota bókmál eins og þeim sem nota nýnorsku sem ritmál. 

Ísland og Noregur eiga sér langa sögu, enda erum við að stórum hluta af þeim komin. Fjölmargir Íslendingar hafa lagt leið sína til Noregs hvort sem er til náms eða vinnu.

Skólakerfið

Að sækja um

Sótt er um í grunnnám í norsku háskólana í gegnum síðuna Samordna Opptak. Aðalumsóknarfrestur er 15. apríl. Sökerhandbokan með upplýsingum um námsleiðir og leiðbeiningar með umsókn er að finna á síðunni. Frestur fyrir þá sem sækja um á grundvelli annars en stúdentsprófs, t.d. aldurs og fyrri starfa og eru eldri en 25 ára er 1. mars. Sjá frekari upplýsingar á Samordnaopptak. Í flestum tilfellum er gerð krafa um studiekompetan se, sem er oftast stúdentspróf. Hins vegar er möguleiki á að fá undanþágur frá stúdentsprófinu. Sjá frekari upplýsingar á SamordnaopptakÍ listnám er umsóknarfresturinn oftast fyrr, 1. apríl. Umsóknareyðublöð í listaskólana fást hjá viðkomandi skóla.

Hér er hægt að sjá hvernig íslenska stúdentsprófið reiknast yfir á norska kerfið

Restetorget - hérna er hægt að skoða háskóla/nám sem ennþá er hægt að komast inn í eftir júlí árhvert.

 

Námsgráður

Grunnnám

Yfirleitt er skólaárið frá byrjun september og fram í maí/júní og skiptist í tvö misseri.  Af síðu Samordna opptak finnur þú hvað þarf margar íslenskar framhaldsskóla einingar í einstökum fögum.

Sótt er um í grunnnám í norsku háskólana í gegnum Samordna Opptak. Aðalumsóknarfrestur er 15. apríl. Sökerhandbokan með upplýsingum um námsleiðir og leiðbeiningar með umsókn er að finna á síðunni. Frestur fyrir þá sem sækja um á grundvelli annars en stúdentsprófs, t.d. aldurs og fyrri starfa og eru eldri en 25 ára er 1. mars. Sjá frekari upplýsingar á Samordnaopptak. Í flestum tilfellum er gerð krafa um studiekompetanse, sem er oftast stúdentspróf. Hins vegar er möguleiki á að fá undanþágur frá stúdentsprófinu. Sjá frekari upplýsingar á Samordnaopptak.

Í listnám er umsóknarfresturinn oftast fyrr, 1. apríl. Umsóknareyðublöð í listaskólana fást hjá viðkomandi skóla.

 

Mastersnám

Candidatus Magisteri-(Cand. mag.) er lægri námsgráða sem nemendur í hugvísindum, félagsvísindum og raunvísindum öðlast eftir a.m.k. 4–5 ár. Candidatus (cand. philol., cand. polit., cand. scient. ) eru námsgráður sem nemendur í hugvísindum, félagsvísindum og raunvísindum geta öðlast eftir að hafa bætt við sig 2 árum eftir cand.mag.-gráðuna. Nokkrir háskólar bjóða upp á alþjóðlega mastersgráðu og er það 2 ára viðbót ofan á BA- eða norsku Cand.mag.-gráðuna.

 

Doktorsnám

Doctor (dr. art., dr. polit., dr. psychol., dr scient., dr. ing. og dr. legis.) er námsgráða sem nemendur geta öðlast eftir að hafa bætt við sig 2 ára námi eftir að hafa öðlast þær námsgráður sem á undan eru taldar. Doktorsnám í Noregi er almennt til þriggja ára eftir meistaragráðu eða áþekka gráðu. Þó eru einnig dæmi um fjögurra ára námsleiðir þar sem 25% af tímanum er nýttur í kennslu.

 

Skólagjöld

Skólagjöld eru ekki innheimt í ríkisháskólana í Noregi, nemendur þurfa eingöngu að greiða skráningargjöld sem eru á bilinu 300-600 NOK. Í einkaskóla þarf að borga skólagjöld.

 

Hvað er í boði?

Leit að námi

Þegar leitað er að námi er best að hefja leitina á sértilgerðum námsleitarvélum. Hér á eftir má sjá lista yfir nokkrar slíkar:

utdanning.no: Mjög fín leitarvél sem keyrð er af norska ríkinu

Studentum.no: Leitarvél um allt mögulegt nám eftir skyldunám.

Velgriktig.no: ágæt leitarsíða um nám í Noregi, einkanlega á sviði raunreina, náttúruvísinda, tæknigreina, verkfræði og þess háttar.

Listi yfir alla skóla á háskólastigi   

Opplæring og utdanning i Norge: nám á öllum skólastigum. 

Kvasir: norsk leitarvél um nám og fleira í Noregi.

ANSA – norsk leitarvél um nám erlendis

Nám á ensku

hér  er hægt að finna þá möguleika á námi á ensku í Noregi.

LÍN

Best  er að kynna sér úthlutunarreglur LÍN og má finna má á vefsíðu LÍN.

Styrkir

Hagnýtar upplýsingar

Að flytja til

3570643848_beee132449_b

Húsnæði

Allir nemendur við háskólana í Osló geta sótt um húsnæði hjá „Studentsamskipnaden“ í Osló (SiO). Hér er um að ræða einstaklingsherbergi með baði og aðgangi að eldhúsi með nokkrum öðrum, eins herbergis íbúðir, sem ætlaðar eru barnlausum pörum og litlar tveggja herbergja íbúðir fyrir barnafólk.  Sótt er um rafrænt á vef SiO. Ekki er ráðlegt að hafna íbúð sem manni er úthlutað því það getur frestað nýrri úthlutun töluvert. Oft er betra að taka því sem fæst og sækja síðar um flutning á milli staða.Nemendur í öðrum skólum í Osló geta sótt um hjá Yrkeskolens Hybelhus (Anker Studentboliger). Ef áætlað er að fara út að hausti er best að senda inn umsókn í maí/júní þar sem langir biðlistar myndast. Annars er tekið við umsóknum allan ársins hring. Svipað fyrirkomulag er í öðrum borgum Noregs og ættu námsmenn að senda inn umsóknir með góðum fyrirvara.

 

Reynslusögur og tengiliðir

  • Menntaskóli í Noregi

    Höfundur: Magnea Gná Jóhannsdóttir Ég er nemandi í United World College Red Cross Nordic sem staðsettur er í Flekke, um það bil 4 tíma frá Bergen. Í skólanum eru 200 nemendur frá um það bil 95 löndum, við erum 5 saman í herbergi og 40 saman í húsi. Ég er til dæmis í herbergi með […]
    Lesa nánar...

Tenglar

Top