Slóvakía

Staðreyndir um Slóvakíu

Höfuðborg: Bratislava
Tungumál: Slóvakíska
Gjaldmiðill: Evra
Fólksfjöldi: 5.4 milljónir

Slóvakía (slóvakíska: Slovensko) er landlukt land í Mið-Evrópu. Það á landamæri að Austurríki og Tékklandi í vestri, Póllandi í norðri, Úkraínu í austri og Ungverjalandi í suðri. Efnahagur Slóvakíu óx hratt á árunum frá 2002 til 2007 þegar hagvöxtur náði 10,5%. Landið var kallað Tatratígurinn (eftir Tatrafjöllum á landamærum Slóvaíku og Póllands). Aukinn hagvöxtur stafaði einkum af breytingu úr áætlunarbúskap í markaðsbúskap undir stjórn hægristjórna, einkavæðingu og aukinni erlendri fjárfestingu. Helstu útflutningsvörur Slóvakíu eru hátæknivörur, bílar og bílahlutar. Undanfarin ár hafa Íslendingar flykkst í nám til Slóvakíu, fyrst og fremst í læknisfræði.

Skólakerfið

Að sækja um

Í Slóvakíu starfa 33 stofnanir á háskólastigi, 33 einkaskólar, þrír reknir af beint af ríkinu og 20 eru opinberir. Þeir skiptast í:

  • Univerzity (háskólar), þar á meðan Tækniháskóli, Hagfræðiháskóli, kennaraháskóli og landbúnaðarháskóli.
  • Vysoké Skoly (æðri menntastofnanir), þar á meðal listaskólar, herskólar, lögregluskóli og læknaskóli.

Skólaárið skiptist í tvær annir og hefst í byrjun september og lýkur í júnílok.

Nám í Slóvakíu fer að mestu leyti fram á slóvakísku og er krafist tungumálaprófs fyrir útlendinga. Margir skólar bjóða upp á nám í slóvensku, sjá Study in Slovakia Portal og International Student’s Guide to Slovakia

Sótt er um beint til hvers skóla fyrir sig. Hafið samband við skólana til að fá frekari upplýsingar. Yfirleitt er íslenskt stúdentspróf nægjanlegt en margir skólar halda þó inntökupróf er t.d. svo Jessenius Faculty of Medicine í Martin þar sem flestir Íslendinganna stunda nám. Á undanförnum árum hafa slíkt inntökupróf verið haldin hér á landi og verði svo áfram mun það vera auglýst hér á vefnum.
Inntökupróf fyrir Jessenius Faculty of Medicine fara fram tvisar á ári á Íslandi. Næstu prófin verður á 6. apríl og 2. júní. Sótt er um nám til umboðsmanns háskólanna á Íslandi, Rúnólfur Oddsson. Hann tekur á móti umsóknum og veitir upplýsingar um tann og -læknisfræði í Slóvakíu og Tékklandi [ kaldasel[@]islandia.is] 

Námsgráður

Háskólanám í Slóvakíu skiptist í eftirfarandi fjórar gráður:

  • Bakalár, slóvakískt bachelornám sem tekur 3-4 ár.
  • Magister eða Inzinier, slóvakískt meistarnám sem tekur 2-3 ár í viðbót eða 4-6 ár ef farið er beint í meistaranám án Bakalár.
  • Doktor (áður Kandidát vied), p.hd. nám sem tekur minnst 3 ár.
  • Doktor vied, sem líkist íslensku doktorsnámi.

Skólagjöld

Skólagjöld eru mjög misjöfn og er nauðsynlegt að kanna þau hjá hverjum skóla fyrir sig.

Hvað er í boði?

Leit að námi

SAIA,

International Student’s Guide to Slovakia

Nám á ensku

Framboð á námi á ensku í Slóvakíu hefur stóraukist á undanförnum árum. Frekari upplýsingar eru á Study in Slovakia.

LÍN

Lánasjóður íslenskra námsmanna.

Námsmenn geta fengið námslán til tungumálanáms ef það er nauðsynlegur undirbúningur undir frekara nám í landinu. Lánið er ekki greitt út fyrr en sýnt er fram á innritun í frekara lánshæft nám í sama landi eða málsvæði. Ekki er lánað til tungumálanáms til undirbúnings ef um er að ræða ensku, dönsku, norsku eða sænsku.

Styrkir

Hagnýtar upplýsingar

Að flytja til

Dvalarleyfi:

Sækja þarf um dvalarleyfi sé námsdvöl lengri en 90 dagar. Hafið samband við ræðismann Íslands og fáið góð ráð og leiðbeiningar.

Húsnæði:

Langflestir háskólar reka eigin stúdentagarða þar sem almenna reglan er að 2-3 nemar deili herbergi enda er leigan mjög lág. Hægt er að leigja húsnæði út í bæ en þá er um að gera að gera leigusamning sem kveður nákvæmlega á með öll skilyrði.

Sendiráð:

 

Reynslusögur og tengiliðir

  • Ásgeir Þór Magnússon – Læknisfræði

    Krefjandi og skemmtilegt læknisfræðinám í mið-evrópu Ahojte! Hvernig í ósköpunum endaði ég í Slóvakíu í læknisfræði? Jújú, markmið og draumar geta farið með mann á ýmsar slóðir og minn draumur um að verða læknir fór með mig alla leið til mið-evrópu í Jessenius Faculty of Medicine. Jessenius Faculty of Medicine (JFMED) er virtur læknaskóli í […]
    Lesa nánar...

Tenglar

Top