Með framhaldsnámi er átt við háskólanám eftir grunnnám, þ.e. meistaranám eða doktorsnám. Aðgangskrafa í framhaldsnám er yfirleitt grunnnám (bachelor gráða) í viðkomandi fagi eða skyldu fagi.
Val á nemendum í meistaranám er yfirleitt í höndum hverrar deildar fyrir sig. Lokaeinkunn í grunnnámi (bachelor gráðu) skiptir miklu máli en gott kynningarbréf (e. motivation letter) sem skýrir hvers vegna viðkomandi velur viðkomandi nám getur einnig haft áhrif á val umsækjenda. Áður en slíkt bréf er skrifað er gott að vera búinn að kynna sér hvað viðkomandi deild/skóli leggur áherslu á og hvað áhugaverðir kennarar þar leggja áherslu á.
Skólar tilgreina alla jafna hvort þurfi að taka inntökupróf á heimasíðum hverrar deildar fyrir sig og þar er líka oftast tekið fram hvert fyrirkomulagið á prófunum er, t.d. hvort prófin séu rafræn eða á staðnum, hvenær þau séu haldin og hvað þau fela í sér.
Stefna Bologna áætlunarinnar svokölluðu er að öllu háskólanámi á evrópska efnahagssvæðinu verði skipt upp í þrjár gráður
Flest Evrópulönd eru búin að taka upp þetta fyrirkomulag og einnig hinar svokölluðu ECTS einingar, þ.e. hvert ár í háskóla er 60 ECTS einingar og tveggja ára framhaldsnám er því 120 einingar. Þó eru ennþá lönd í Evrópu sem hafa ekki tileinkað sér þetta kerfi, til að mynda nota breskir og ítalskir háskólar yfirleitt ekki ECTS einingakerfið. Einingarnar í ítalska kerfinu samsvara þó ECTS einingum, en þær kallast CFU eða CFA.