Eins og sjá má á forsíðu þá er hægt að fara nánast hvert sem er.
Langflestir Íslendingar fara til náms í Danmerkur en fyrir því hefur skapast gríðarleg hefð. Hin Norðurlöndin, Bretland og Bandaríkin hafa einnig verið vinsæl hjá íslenskum námsmönnum. Hagstæðast er læra innan Evrópu þar sem skólagjöld eru að jafnaði lág fyrir Íslendinga vegna EES samningsins og ekki þarf að sækja um sérstakar vegabréfsáritanir til að stunda þar nám.
Í Bretlandi eru hærri skólagjöld og eftir Brexit þarf nú að sækja vegabréfsáritanir til að stunda nám þar.
Gott er að hafa í huga að grunnnám er yfirleitt á því tungumáli sem talað er í hverju landi. Hins vegar fer framboð á námi kennt á ensku sífjölgandi. Menntasjóður námsmanna býður upp á lán fyrir tungumálanámi en einungis ef það er undirbúningur fyrir frekara nám í landinu sem farið er til.
Á meistarastigi er yfirleitt mun meira framboð af námi á ensku og í mörgum tilvikum er leyfilegt að skila verkefnum á ensku þrátt fyrir að kennsla fari fram á öðru tungumáli.
Á síðu Menntasjóðs námsmanna er hægt að sjá hvaða námi hefur verið lánað fyrir, og í leiðinni séð hvert fólk hefur verið að fara. Þetta er hins vegar ekki tæmandi listi.
Athugið að ekki er lánað fyrir náminu nema sjóðurinn sé búinn að ganga úr skugga um að skólinn njóti viðurkenningar menntamálayfirvalda í heimalandinu.