Lúxemborg

Stórhertogadæmið Lúxemborg er landlukt smáríki í Vestur-Evrópu. Það á landamæri að Frakklandi í suðri, Þýskalandi í austri og Belgíu í vestri og norðri. Lúxemborg hefur í aldanna rás tilheyrt ýmsum konungs- og keisaradæmum en fékk ásamt Belgíu sjálfstæði frá Hollendingum að loknum Napóleonsstyrjöldunum árið 1815. Í Lúxemborg hefur smám saman vaxið upp ein öflugasta fjármálamiðstöð heims, en sú starfsemi er helsta tekjulind landsmanna auk nokkurra stálsmiðja í norðanverðu stórhertogadæminu.

Einn opinber háskóli er í Lúxemborg, Lúxemborgarháskóli sem býður upp á bæði grunnám og framhaldsnám í nokkrum fögum og kennir bæði á þýsku, frönsku og ensku. Mjög mikið framboð er á námi á ensku. Sex háskólar eru svo reknir af einkaaðilum:

• Luxembourg School of Business (LSB), býður upp á „helgar MBA“ nám fyrir fólki í fullri vinnu sem tekur tvö ár.
• Sacred Heart University Luxembourg, er bandarískur háskóli sem sérhæfir sig í viðskiptafræði og rekstrarhagfræði í samvinnu við fyrirtæki í landinu.
• Lunex University sérhæfir sig í íþróttafræðum og skyldum greinum. Boðið er upp á nám á bakkalár- og meistarastigi.
• Miami University Dolibois European Center er, eins og nafnið bar með sér, útibú frá Miami háskóla.
• BBI School for International Hospitality and Tourism Management býður nám í ferðamálafræði á bæði bakkalár- og meistarastigi .

Auk þessara skóla bjóða bæði  Open University Luxembourg og École Supérieure Ouverte à Distance upp á fjarnám.

Skólaárið er frá miðjum september fram í júnílok.

Formlegar aðgangskröfur eru samtals 12 ára nám í grunn- og framhaldsskóla. Erlenda menntun skal þó viðurkenna af ráðuneyti æðri menntunar í Lúxemborg.

• Bachelor: þriggja ára nám.
• Meistaranám: Tveggja ára viðbótarnám.
• Doktorsnám: Þriggja til fjögurra ára rannsóknanám

Skólagjöld eru misjöfn eftir fögum og námsstigi en á bilinu  $900 – $9000 fyrir nám á bachelorstigi og $10.000 – $15.000 fyrir nám á meistarastigi.

Listi yfir skóla í Lúxemborg.

Ekki er til neitt heildaryfirlit yfir nám á ensku heldur er nauðsynlegt að leita á upplýsingavefjum skólanna til að sjá hvað er í boði hverju sinni.

Menntasjóður

Námsmenn geta fengið námslán til tungumálanáms ef það er nauðsynlegur undirbúningur undir frekara nám í landinu. Lánið er ekki greitt út fyrr en sýnt er fram á innritun í frekara lánshæft nám í sama landi eða málsvæði. Ekki er lánað til tungumálanáms til undirbúnings ef um er að ræða ensku.

Dvalarleyfi

Nemendur frá löndum innan Schengen þurfa ekki að sækja um dvalarleyfi áður en komið er til landsins.

Húsnæði

Lúxemborgarháskóli rekur stúdentagarð fyrir nemendur í fullu námi við skólann. Leiguhúsnæði getur hins vegar verið mjög dýrt og erfitt að finna og það algengt að fólk sem vinnur í Lúxemborg búi t.d. í Belgíu og ferðist á milli til að spara sér húsnæðiskostnað. Ekki er hins vegar víst að sá möguleiki sé opinn stúdentum og ber að athuga það sérstaklega.

Erasmusu

Erasmusplay

Sendiráð

Hér eru upplýsingar um sendiráð Lúxemborgar í Brussel og kjörræðismanninn á Íslandi.