Ungverjaland

Lýðveldið Ungverjaland (Magyarország) er landlukt ríki í Mið-Evrópu, rétt austan Alpafjalla. Það er rúmlega 93 þúsund km2 að stærð og voru vesturlandamærin að Austurríki jafnframt hluti járntjaldsins. Landið var fyrsta austurevrópska ríkið til að ganga í NATO í mars 1999. 1. maí 2004 fékk það inngöngu í Evrópusambandið. Fyrir nokkrum árum voru margir Íslendingar við nám í læknisfræði í Ungverjalandi en eftir að skólagjöld voru hækkuð verulega hefur dregið úr aðsókninni.

Í Ungverjalandi eru 18 ríkisreknir háskólar (Egyetem) en yfir 60 stofnanir sem bjóða upp á háskólamenntun, ýmist reknar af ríkinu, einkareknar eða af kirkjunni. Umsóknarferli er mismunandi á milli skóla. Upplýsingar um umsóknarferlið má nálgast á heimasíðum hvers skóla fyrir sig og sótt er um beint til skóla. Skólaárið hefst yfirleitt í september og því lýkur í maí.

Flestir háskólarnir hafa þegar skipt námsgráðum í háskólunum skv. Bologna áætluninni, niður í Bachelor-, Master- og Doktorsgráður. Einnig eru nokkrir tækniskólar á háskólastigi sem veita Technikusi Oklevel gráður.  Mikil ásókn er í háskólanám og kemst ekki nema um helmingur allra umsækjenda inn. Íslenskt stúdentspróf er nægilegur undirbúningur en í sum fög eru tekin inntökupróf. Einingar eru gefnar upp í ECTS.

Skólagjöld í Ungverjalandi eru há sé kennt á ensku, eða frá 1.3 milljónum til tveggja milljóna króna á ári.

Listi yfir háskóla í Ungverjalandi
Háskólanám í Ungverjalandi – af síðu menntamálaráðuneytisins. Velja “Higher education” til vinstri og síðan “Higher education programmes”.
Hungary schools – háskólar, sumarskólar, tungumálanám o.fl.

Nokkuð er um nám kennt á ensku í Ungverjalandi, t.d. læknisfræði, sálfræði, viðskiptafög, verkfræði o.fl. Hér er að finna nám kennt á ensku. Hér er einnig annar vefur með upplýsingum um nám á ensku.

Yfirleitt þarf að taka TOEFL enskuprófið til að fá inngöngu í þetta nám. Einnig eru sérstök inntökupróf í heilbrigðiðsfög, s.s. læknisfræðina og dýralækningar.

University of Debrecen-Medical School, læknisfræði – Margir Íslendingar hafa stundað nám við þennan skóla á undanförnum árum. Kennt er á ensku, skólagjöld eru um 16.000 USD á ári. Athugið sérstaklega að þetta er töluvert hærra en Menntasjóður hefur lánað til. Sami skóli býður einnig sumarnám á háskólastigi á ensku í listgreinum og tungumálum.

Menntasjóður

Námsmenn geta fengið námslán til tungumálanáms ef það er nauðsynlegur undirbúningur undir frekara nám í landinu. Lánið er ekki greitt út fyrr en sýnt er fram á innritun í frekara lánshæft nám í sama landi eða málsvæði. Ekki er lánað til tungumálanáms til undirbúnings ef um er að ræða ensku, dönsku, norsku eða sænsku.

Dvalarleyfi

Sækja þarf um landvistarleyfi árlega og í fyrsta sinn innan þriggja mánaða eftir komu til landsins. Nauðsynlegt er að framvísa eftirfarandi gögnum:

• vegabréfi
• vottorði um skólavist
• samningi um leigu á húsnæði sem vottað er tveim óvilhöllum aðilum. Ef búið er á stúdentagarði þarf þó ekki þessa votta
• yfirlit yfir inneign á bankareikningi eða vottorð um námsstyrk
• evrópska sjúkratyggingakortið
• sérstök stimpilmerki (Illetékbélyeg) sem fást á pósthúsum að verðmæti 1.000 flórintur

Húsnæði

Stúdentaíbúðir og herbergi

Húsnæði í Debrecen

College International – Housing service, húsnæði fyrir háskólanemendur í Ungverjalandi.

Leigumiðlun í Búdapest.

CasaSwap.com – International youth & student accommodation network. Hérna geta stúdentar í leit að húsnæði erlendis skráð sig í húsnæðisleit og einnig skráð sitt húsnæði til leigu eða skipta. Casa Swap er styrkt af Evrópusambandinu.

Sendiráð

Utanríkisráðuneytið annast sendiráðsstörfin og ungverskt sendiráð er í Osló.

Íslendingafélög

Íslenskir læknanemar í Ungverjalandi halda úti upplýsingasíðum á samfélagsmiðlum. Hægt er að hafa samband við Félag íslenskra læknanema í Ungverjalandi á tölvupóstföngin ungverjaland@ungverjaland.com eða formadur@ungverjaland.com. Einnig er félagið með heimasíðuna www.ungverjaland.com og Facebook síðurnar Félag Íslenskra Læknanema í Ungverjalandi – FÍLU og Verðandi nemar við háskólann í Debrecen.